कावासोतीको राजमन्दिरमा नवलपुर जिल्ला लिग फुटबल प्रतियोगिता सुरु

नवलपुर । नवलपरासी पूर्व ( नवलपुरमा ) ‘चौँथो नवलपुर जिल्ला लिग फुटबल प्रतियोगिता–२०८१’ आजबाट सुरु भएको छ ।
कावासोती–१२ राजमन्दिर स्थित डाइमण्ड युथ सोसाइटीको खेल मैदानमा आजबाट प्रतियोगिता सुरु भएको हो । प्रतियोगिताको गण्डकी प्रदेश सभा सदस्य पदमा जिसी श्रेष्ठले उद्घाटन गर्नुभयो ।

प्रतियोगिताको उद्घाटन खेलमा नवज्योती र हरियाली क्लब बीच प्रतिस्पर्धा चलिरहेको छ ।
एन्फाको कार्यक्रम अर्न्तगत जिल्लामा रहेका खेलाडीहरुको स्तरवृद्धि र गाउँघरमा रहेका प्रतिभावान खेलाडीको पहिचान र छनोट गर्न प्रतियोगिता आयोजना गरीएको जिल्ला फुटबल संघ, नवलपुरका अध्यक्ष सेतमान पुनले बताउनुभयो । प्रतियोगितामा केन्द्रको ए, बी, सी कुनै पनि लिग खेलाडी सहभागी हुन नपाउने पुनले बताउनुभयो ।

प्रतियोगितामा प्रथम हुने क्लबले नगद ८० हजार नगद, दोस्रो हुनले ५० हजार र तेस्रो र सान्त्वानालाई नगद २० हजार सहित टफी मेडल र प्रमाणपत्र प्रदान गरनेछ । प्रतियोगिताबाट उत्कृष्ट क्लबले प्रदेशस्तरीय लिग फुटबलमा सहभागी हुने पुनले बताउनुभयो ।
प्रतियोगिता फिफाको नियम अनुसार खेलाइएको छ । खेलाडी छनोट गर्दा एक समुहमा कम्तिमा पनि ५ जना खेलाडी १९ वर्ष उमेर समुहको राख्नुपर्ने प्रावधान राखिएको छ ।

प्रतियोगिताको मुख्य प्रायोजकको रुपमा सेन्टर कलेज अफ भोकेशनल ट्रेनिङ्ग सेन्टर रहेको छ ।
आजबाट सुरु भएको प्रतियोगिताको फइनल खेल जेठ १८ गते हुनेछ ।