नवलपुर उद्योग वाणिज्य संघ अधिवेशन : बुद्धिसागर पोखरेलको संयुक्त प्यानलले बढायो चुनावी चासो
नमुना पोष्टप्रकाशित मिति: २०८२ चैत्र १७, मंगलबार (३ घण्टा अघि)
Advertisement
कावासाेती । नवलपुर उद्योग वाणिज्य संघको चैत १८ गते हुने छैठौं अधिवेशनका लागि अध्यक्षका प्रत्याशी बुद्धिसागर पोखरेल (सागर) नेतृत्वको संयुक्त प्यानल सार्वजनिक भएसँगै चुनावी माहोल तातेको छ। समावेशी, अनुभवी र सन्तुलित टोलीसहित पोखरेल समूहले व्यवसायीबीच उल्लेखनीय उपस्थिति देखाएको हो।
अध्यक्ष पदमा उम्मेदवारी दिएका पोखरेलको प्यानलमा वरिष्ठ उपाध्यक्षमा बालकृष्ण पाण्डे, प्रथम उपाध्यक्षमा गोविन्द क्षेत्री, द्वितीय उपाध्यक्षमा पदम बहादुर खत्री (हरि के.सी.), महासचिवमा रमेश अधिकारी, उपमहासचिवमा प्रेम नारायण पाण्डे तथा कोषाध्यक्षमा गणेश बहादुर आचार्य रहेका छन्।
खुल्ला सदस्यतर्फ दीपक भट्टराई, गोपाल श्रीपाली, सरला खनाल, गंगा महतो र कृष्ण कुमार गिरी उम्मेदवार रहेका छन् भने महिला सदस्यतर्फ दुर्गा ढुंगाना र दुर्गा रिजाल सहभागी छन्। प्रतिनिधि सभा क्षेत्र नं. १ बाट गोविन्द सुनार र क्षेत्र नं. २ बाट नारायण प्रसाद लम्साल उम्मेदवार बनेका छन्।
त्यसैगरी लेखा समितिको संयोजकमा तेजराम भुसाल तथा सदस्यमा निर्मला बर्याल (खुल्ला) र भगवती सुवेदी (महिला) रहेका छन्।
“सुदृढ संस्था, समृद्ध व्यवसाय” भन्ने नारासहित अघि बढेको यस संयुक्त प्यानलले व्यवसायीहरूको हकहित संरक्षण, कर नीतिमा सहजीकरण, उद्यमशीलता प्रवर्द्धन र संस्थालाई पारदर्शी तथा उत्तरदायी बनाउने प्रतिवद्धता जनाएको छ।