विमान दुर्घटना, विमानमा सवार सबैको मृत्यु !

फाइल फोटो

एजेन्सी। युनाइटेड अरब इमिरेट्सको दुबई अन्तर्राष्ट्रिय विमानस्थलबाट नजिक एक सानो विमान दुर्घटनामा परि ४ जनाको मृत्यु भएको छ ।

स्थानीय समय अनुसार बिहिबार साँझ ७ बजेर ३० मिनेटमा उक्त दुर्घटना भएको मिडियाले जनाएको छ । डीए–४२ नामक उक्त चार सिटे विमानमा चालक, सहचालक र दुई यात्रु सहित ४ सवार थिए ।

विमानमा सवार सबैको दूर्घटनामा मृत्यु भएको छ । दुबईका अधिकारीहरुका अनुसार मृत्यु हुनेमा ३ ब्रिटिश र एक दक्षिण अफ्रिकी नागरिक रहेका छन् ।

दुर्घटना पश्चात करिब ४५ मिनेट दुबई अन्तर्राष्ट्रिय विमानस्थल बन्द भएको बुझिएको छ । विमानस्थलतिर आएका एस् सम्पूर्ण विमानलाई अन्तै मोडिएको थियो भने उडानभर्न तयार विमानहरुले पनि ढिलो उडान भरेका मिडिया रिपोर्टसले जनाएको छ ।