कावासोतीमा मेयर कप फुटबल प्रतियोगिता २०७५ हुदै

कावासोती । पूर्बि नवलपरासीको कावासोती नगरपालीकाले मेयर कप फुटबल प्रतियोगिता २०७५ आयोजना गरेको छ । नगरपालीका क्षेत्र भित्रको सबै वडा फरक फरक टिमको खेलमा सहभागीता हुने छ । कावासोती नगरपालिकाको आयोजनामा यही मंसिर २२ गतेदेखि पुस २ गतेसम्म मेयर कप फुटबल प्रतियोगिता २०७५ आयोजना गर्न लागिएको नगरप्रमुख चन्द्रकुमारी पुनले जानकारी दिईन् । प्रतियोगिताबाट नगरपालिकाको एक सशक्त टिम तयार गर्ने उद्देश्य राखिएको जिल्ला फुटबल संघ नवलपरासीका अध्यक्ष सेतमान पुनले बताए । प्रतियोगितामा प्रथम हुनेले ७५ हजार नगद प्राप्त गर्नेछ भने दोस्रो हुनेलाई ४० हजार नगद प्रदान गरिने छ । त्यसैगरी सेमिफाइनलमा पराजित हुने दुई टिमलाई नगद १० र १० हजार प्रदान गरिने छ । कावासोती नगरपालिका–३ मा रहेको राममन्दिर छेउको खेल मैदानमा हुने प्रतियोगितामा नगरभित्रका १७ वटै वडाको सहभागिता रहने आयोजकको भनाइ छ । कावासोती खेलकुद मैदान निर्माण उपभोक्ता समितिको सहआयोजना र न्यू भानु आदर्श युवा क्लबको संयोजनमा हुने प्रतियोगितामा करिब पाँच लाख ५० हजार खर्च हुने आयोजकको अनुमान छ ।