एसईई परीक्षाको नतिजा सार्वजनिक हुँदै, कहिलेसम्म ? पुरा हेर्नुहोस्

काठमाडौं । राष्ट्रिय परीक्षा बोर्डले माध्यमिक शिक्षा परीक्षा एसईईको परीक्षाफल सार्वजनिक गर्ने अन्तिम तयारी गरिरहेको छ ।

एसईई नतिजा असार दोस्रो साताभित्र सार्वजनिक गर्ने बोर्डको तयारी रहेको जनाइएको छ । गत वर्ष असार ९ गते नतिजा प्रकाशित भएकोमा यस वर्ष भने प्रदेश नम्बर २ मा परीक्षा स्थगित गरी पुनः परीक्षा सञ्चालन गर्नुपरेको र कर्मचारी समायोजनका कारण कर्मचारीको अभाव भएकाले नतिजा प्रकाशनमा केही दिन ढिला हुने भएको बोर्डले जनाएको छ ।

देशभरका उत्तरपुस्तिका परीक्षण सम्पन्न गरेर नम्बर इन्ट्रीको काम भइरहेको जानकारी दिँदै बोर्डका परीक्षा उपनियन्त्रक चेतनाथ शर्माले धेरै ढिलो भएमा असार दोस्रो सातासम्ममा नतिजा सार्वजनिक गर्ने लक्ष्य लिइएको जानकारी दिए । यस वर्ष गत चैत १० गतेबाट शुरू भएको एसइई परीक्षामा नियमिततर्फ चार लाख ७५ हजार परीक्षार्थी सहभागी भएका छन् । बोर्डले छिटोमा असार १० गते ढिलोमा असार १४ गतेसम्म नतिजा सार्वजनिक गर्ने गरी काम गरिरहेको छ ।