कावासोतीका निरजलाई नवलपरासी समाज जापानबाट ४ लाख २० हजार सहयोग / सेयर गरौ अझै सहयोगको खाँचो छ !!!

नारायण प्रभु
कावासोती । कावासोती २ का ११ वर्षीय बोनम्यारो पिडित निरज गौडेललाई आर्थिक सहयोग आउने क्रम जारी रहेको छ। आज (सोमबार ) कावासोती २ को वडा कार्यालयमा एक कार्यक्रमको अयोजना गरि नवलपरासी समाज जापानले सहयोग रकम हस्तान्तरण गरेको छ।जापानमा रहेका नेपालीहरुबाट संकलन गरेको ४लाख २० हजार ५ सय ८६ रुपैयाँको राष्ट्रिय बाणिज्य बैंकको चेक कावासोती नगरपालिकाका प्रमुख चन्द्रा कुमारी पुनको प्रमुख आतिथ्यतामा वडाध्यक्ष लक्ष्मी प्रसाद पौडेललाई हस्तान्तरण गरि पौडेल मार्फत मालपोत टोल सुधार संस्थाका उपाध्यक्ष एवं निरज बचाउ अभियानका सदस्य नारायण प्रभुलाई हस्तान्तरण गरिएको छ।नवलपरासी समाज जापानका सल्लाहकार यादब के.सि. र समाजका महासचिव कृष्ण प्रसाद ढुङ्गानाको नेतृत्वमा संकलन भएको रकम हस्तान्तरण कार्यक्रममा उहाँहरुका पिता फर्स बहादुर के.सि. र दामोदर ढुङ्गानाको पनि सहभागीता रहेको थियो भने कार्यक्रममा वडा सदस्यहरु, स्थानीय र पत्रकारहरुको उपस्थिती रहेको थियो।
हस्तान्तरण कार्यक्रममा बोल्दै प्रमुख अतिथि पुनले बिदेशमा कार्यरत नेपालीहरु आफ्नो गाँस काटेर भएपनी सधै स्वदेशमा परेका समस्या प्रति एकजुट भएर लाग्नु राम्रो संदेश भएको बताउनु भयो।उहाँले यो रकम संकलन कार्यमा सहयोग गर्नुहुने सम्पुर्ण जापानमा कार्यरत नेपालीलाई धन्यवाद समेत दिनुभएको छ। निरज बचाउ अभियानका लागि अहिले सम्म पोर्चुगलबाट शुशिला घिमिरेको संयोजकत्वमा संकलन भएको ७५ हजार र नवलपुर समाज पोर्चुगलको १२हजार५००, मालपोत टोल विकास संस्थाले ६ लाख ३२ हजार ६ सय २५, शिव शक्ति टोल विकास संस्थाले ९२ हजार,लुम्बिनी आवासीय मा.वि.ले ५६ हजार ८ सय ७५,नेपाली बाजे फेसबुक समुहले ७ लाख १० हजार ९ सय ५७ एवं कतार,जापान, कोरिया, पोर्चुगल लगाएतका देशहरुबाट संकलन भएको कुल रकम१४ लाख ८९ हजार ६ सय पचास रुपियाँ निरजका बुबा श्रीकृष्ण गौडेलको नाममा रहेको एस.बि.आई.बैंकको खाता नं. ०००१७७१५२४१४१५५६५ मा संकलक स्वयंले नै जम्मा गराइसकेका थिए भने आज प्राप्त रकम सहित निरज बचाउ अभियानका लागि आज सम्म कुल रकम१९ लाख १० हजार २ सय ३६ पुगेको मालपोत टोल बिकास संस्थाका अध्यक्ष हरि न्यौपानेले जानकारी गराउनु भयो।
बिगत २ महिना देखि भारत दिल्लीको गङ्गाराम अस्पतालमा उपचाररत गौडेललाई नेपाल लगाएत बिदेशमा रहेका नेपाली हरुले सहयोग गरिरहेका छन।गौडेललाई रगतमा WBC को कमि भै बोनम्यारोले काम गर्न छाडेपछी बोनम्यारो प्रत्यारोपणको लागि दिल्ली लगिएको थियो।केहि दिन अघि सम्म उनलाई उनकै ७ वर्षिय बहिनिको बोनम्यारो प्रत्यारोपण गर्ने भन्दै विभिन्न परिक्षण गरिए पनी डाक्टरले अहिले बहिनिको बोनम्यारो सँग एच.एल.ए. नमिलेको हुँदा प्रत्यारोपण गर्न नमिल्ने बताएपछी गौडेल परिवारमा अझै चिन्ता थपिएको छ।अब क्रोमोजिम मिलाएर औषधि मार्फत बोनम्यारो सकृय गराउनुपर्ने भएकाले उपचार अझ लम्बिन सक्ने परिवारले बताएका छन।
गौडेलको उपचारमा लगभग ४० देखि ५० लाख सम्म लाग्न सक्ने भएपछी उनका बुबा श्रीकृष्णले सबैसङ्ग सहयोगको अपिल गरेका थिए।करिव २ महिना देखि स्थानीय मालपोत टोल बिकास संस्था, नेपाली बाजे फेसबुक समूह र देश विदेशमा रहेका नेपालीहरुले निरज बचाउ अभियान नै संचालन गरेर सहयोग संकलन गरिरहेका छन।