नेपाली सेनाले नवलपुरमा एक लाख एघार हजार भन्दा बढी बिरुवा रोप्यो

भबिश्वर पाण्डे
कावासोती । पूर्बि नवलपरासीको कावासोती १ हात्तिखोरमा रहेको श्री नं. २ वन तथा पर्यावरण सुरक्षा गणले ५ बर्षको समयमा एक लाख एघार हजार छ सय पचास विरुवा रोपेको छ । २०७१ सालमा स्थापना भएको श्री नं. २ वन तथा पर्यावरण सुरक्षा गणमा आबद्ध नेपाली सेनाले यस क्षेत्रको बिभिन्न स्थानमा गरि २०७१ साल देखि हाल सम्म एक लाख एघार हजार छ सय पचास विरुवा रोपेको हो ।
बिषेश गरी राष्ट्रिय वन जंगलको विनास , अतिक्रमण, पर्यावरण र जैविक विविधता प्रणलीको नकारात्मक प्रभाव लाई रोक्न सक्रिय बनेको श्री नं. २ वन तथा पर्यावरण सुरक्षा गणले यस क्षेत्रमा राम्रो काम गरेको प्रतिनिधि सभा सदस्य (संघिय साँसद) तिलक महतको भनाई रहेको छ । आज (शुक्रबार ) कावासोती १४ को नवलपुर वहुमुखी क्याम्पसमा बृक्षरोपण गदै साँसद महतले यस्तो बताएका हुन् । महतले क्याम्पस हाताभित्र बृक्षरोपण गरेको प्रशंसा गदै बृक्षरोपण कार्यक्रमले सरकारले ल्याएको वन तथा पर्यावरण क्षेत्र संरक्षणमा सहयोग पुर्याउन हुदा बृक्षारोपण सराहनीय भएको बताए । त्यस्तै सासंद महतले रुख बिरुवाहरुले बातावरण क्षेत्रलाई स्वच्छ ,सफा ,तथा हराभरा बनाउने हुदा बृक्षरोपण कार्यमा सबै लाग्नुपर्नेमा समेत आग्रह गरे । बृक्षारोपण सहभागि भएका श्री नं. २ वन तथा पर्यावरण सुरक्षा गणका गणपति प्रमुख सेनानी शारदाभक्त्त मटांगुलुले नेपाली सेना देशको बिभिन्न क्षेत्रमा वन तथा पर्यावरण सुरक्षामा समेत खटिदै आईरहेको र सोही अनुसार नवलपुर क्षेत्रको वनलाई हरियाली बनाउन बिशेषरुपमा लागेको बताएका छन् । उनले यस क्षेत्रका स्थानिय जनता र श्री नं. २ वन तथा पर्यावरण सुरक्षा गणको सहकार्यमा यस क्षेत्रको वन्जड जमिन ,कमलो पहाडी भीरपाखाहरु र सामुदायिक वन क्षेत्रमा पनि बृक्षारोपण गरिने बताएका छन् । शुक्रबार नवलपुर वहुमुखी क्याम्पस परिसरमा स्थानिय र श्री नं. २ वन तथा पर्यावरण सुरक्षा गणका नेपाली सेनाले बिभिन्न प्रजातिका ३ सय भन्दा बढी बिरुवा रोपेका थिए । क्याम्पस परिसर लाई स्वच्छ र हराभरा बनाउनका निम्ति बृक्षरोपण कार्यक्रम आयोजना गरिएको नवलपुर बहुमुखी क्याम्पसका प्रमुख र्अजुन रिजालले जानकारी दिए ।