मानव अधिकार रक्षाका लागी नवलपुरमा इन्सेकद्धारा तीन वर्षे कार्यक्रम सुरु

नवलपुर  । मानव अधिकारको क्षेत्रमा काम गर्दै आईरहेको संस्था इन्सेकले नवलपुरमा मानव अधिकार संरक्षण र संम्बर्धनका लागि राज्यको जवाफदेहिता तथा जनताकोे सहभागीता अभिबृद्धि कार्यक्रमको तीन वर्षे परियोजनाको सुरुवात गरेको छ । शिक्षा ,स्वास्थ्य , खाद्य र आवासको अधिकारमा वकालत गर्ने उदेश्य सहित इन्सेक गण्डकी प्रदेशको आयोजनामा उक्त कार्यक्रमको सुरुवात गरिएको हो । नवलपुरको कावासोती नगरपालिका र विनयी त्रिवेणी गाउपालिकामा कार्यक्रम सुरुवात गरिएको इन्सेक गण्डकी प्रदेशका संयोजक शिव खकुरेलले बताए । मौलिक हकमै सुनिश्चित गरिएको शिक्षा, स्वास्थ्य, खाद्य र आवासको अधिकार प्राप्तिका लागी यहाँका नागरिकलाई सूसुचित गर्ने मुख्य उदेश्य सहित कार्यक्रमको सुरुवात गरिएको संयोजक खकुरेलले बताए । स्थानीय सरकारबाट नै शिक्षा, स्वास्थ्य, खाद्य र आवासको अधिकार सुनिश्चित गर्नुपर्ने भए पनि अझै पनि गरीब , सिमान्तकृत , अल्पसंख्यक , महिला र पीछडीएको समुदाय यी अधिकारबाट बञ्चित हुदै आएकाले उनीहरुलाई अधिकार दिलाउन सरकारलाई घच्घच्याउनका लागी यस कार्यक्रमले सहयोग पुग्ने खकुरेलको भनाई छ ।

कार्यक्रम संचालन हुने कावासोती नगरपालिकामा सोमबार र विनयी त्रिवेणी गाउपालिकामा आईतबार मानवअधिकार समूह समेत गठन गरिएको छ । कावासोतीमा द्रोपती गुरौको संयाजकत्वमा १३ सदस्यीय र विनयी त्रिवेणीमा धर्म वहादुर जिशीको संयोजकत्वमा १३ सदस्यीय समिति गठन गरिएको इन्सेक गण्डकी प्रदेशकी कार्यक्रम संयोजक शवनम शर्माले जानकारी दिईन् । उक्त समूहले मानव अधिकार रक्षाका लागी स्थानीय समूदायलाई सचेत पार्ने र मानव अधिकार उल्लङघनका घटनाहरुमा सहजीकरण गर्दै अन्यायमा परेकालाई न्याय दिलाउन सम्बन्धित निकायलाई दबाब दिने काम समेत गर्ने शर्माले बताईन् ।

कावासोतीमा सोमबार भएको परियोजना परिचयात्मक तथा मानव अधिकार समूह गठन कार्यक्रममा बोल्दै कावासोती नगरपालिकाका उपप्रमुख प्रेम शंकर मर्दनीया थारुले इन्सेकले अन्यायको विरुद्ध वकालत गर्ने काम गर्दै आएको र न्याय समितिले पनि अन्यायमा परेकालाई न्याय दिलाउने काम गर्ने भएकाले संगसंगै मिलेर काम गर्ने प्रतिद्धता जनाए । मानव अधिकार रक्षाका लागि इन्सेक र न्याय समिति सहकार्य गर्दै अगाडी बढ्ने उनले बताए ।

यस्तै कार्यक्रममा कावासोती नगरपालिका वडा नम्बर १० का वडा अध्यक्ष टेक नारायण महतो, नेपाल रेडक्रश सोसाईटी जिल्ला शाखा नवलपुरका सभापती मदनभक्त अधिकारी , नेपाल पत्रकार महासंघ नवलपुरका अध्यक्ष होमराज रानाभाट लगायतले बोल्दै दण्डहिनताको अन्त्य , राजनैतिक संरक्षण , सामाजिक कूसंस्कारलाई अन्त्य गर्न सके मात्रै मानव अधिकारको रक्षा हुने बताए । समाजभित्रका यस्ता कूसंस्कार अन्त्य गर्नका लागी मानवअधिकार समूहले काम गर्न आवश्यक रहेको उनीहरुको भनाई थियो ।

यसैबिच सोमबार कावासोतीमा १३ सदस्यीय मानव अधिकार समूह गठन गरिएको छ । द्रोपती गुरौको संयोजकत्वमा गठन गरिएको समितिमा दयाराम आचार्य , दिपक शर्मा , पवित्रा पौडेल, केशमाया कुँवर , भसपती भट्टराई, ईश्वरी भुषाल ढकाल , यम कुमारी पुन, सागर महतो , कविता पौडेल , लाल प्रसाद वस्ताकोटी र किरण भुर्तेल सदस्य रहेका छन् ।

कार्यक्रम इन्सेक गण्डकी प्रदेशका संयोजक शिव खकुरेलको अध्यक्षता तथा कावासोती नगरपालिका प्रमुख चन्द्र कुमारी पुनको प्रमुख आतिथ्यतामा भएको थियो । कार्यक्रममा इन्सेक नवलपुर जिल्ला प्रतिनिधी तिर्थराज डुम्रे स्वागत मन्तव्य राखेको थिए भने इन्सेक नवलपुर सहजकर्ता ज्ञानु पंगेनीले सहजीकरण गरकी थिईन् ।