कावासोतीमा बलात्कार घटनाको आरोपित पक्राउ

कावासोती । ११ बर्षीया बालिकालाई बलात्कार गरेको आरोपमा प्रहरीले कावासोती ३ का ३६ बर्षीय ओमराज श्रेष्ठलाई सोमबार राति पक्राउ गरेको छ ।

पीडित बालिकालाई मंसिर २४ गते सोमबार साँझ बलात्कार गरेको आरोपमा प्रहरीले श्रेष्ठलाई पक्राउ गरेको हो । आरोपित श्रेष्ठले बालिकाको घरमा कोही नभएको समयमा पीडित बालिकालाई बलात्कार गरेको पीडित पक्षको दावी छ । बलात्कार पछि फरार भएका श्रेष्ठको झोला बालिकाको घरमा फेला परेको थियो । सोही झोलाको आधारमा राति नै स्थानीयको सहयोगमा प्रहरीले श्रेष्ठलाई पक्राउ गरेको जिल्ला प्रहरी कार्यालय नवलपरासी (बर्दघाट सुस्ता पूर्व)का डिएसपी लिलाराज लामिछानेले बताए । घटनाको बारेमा थप अनुसन्धान भई रहेको प्रहरीले जनाएको छ ।