पहाडी क्षेत्रमा निशुल्क आँखा शिविर

दयाराम आचार्य
कावासोती । नवलपरासीको पहाडी क्षेत्र अन्र्तगत पर्ने बौदिकाली गाउँपालिकामा निशुल्क आँखा शिविर संचालन गरिएको छ । नेपाल नेत्रज्योती संघ नवलपुर ,भरतपुर आखा अस्पताल र बौदिकाली गाउँपालिकाको आयोजनामा शिविर पुस १ गते देखी जारी रहेको छ । बौदिकाली गाउँपालिकाका बिभिन्न स्थानमा तिन दिन सम्म मोतिया विन्दुको छनौट शिविर संचालन गरिएको छ । नरम,रुचाङ्ख र डेढगाउँमा मोतिया विन्दुको छनौट गरिएको छ । तिन दिन सम्म यहाँ संचालन गरिएको शिविर अन्र्तगत नरममा १७ जना, रुचाङ्गमा २२ र डेढगाउँमा २२ जना मोतिया विन्दुका विरामी फेला परेका छन् । यहाँ तीन सय पचास जनाको निशुल्क आखा जाँच समेत गरिएको छ । तिन स्थानमा फेला परेका मोतिया विन्दुका विरामीलाई डेढगाउँ भएको शिविरमा निशुल्क शल्यक्रिया समेत गरिएको छ ।

शिविरमा आँखा रोग विशेषज्ञ डा। पुष्पा गिरी श्रेष्ठ सहित १० जनाको प्राविधिक टोली खिएका छन् । शिविर पाँच गते सम्म संचालन हुनेछ । पहाडी क्षेत्रमा शिविरको आयोजना गर्दा यस क्षेत्रका बासिन्दा खुसी भएकाछन् । सामान्य आँखा परिक्षण गर्नकालागि भरतपुर ,कावासोती, रामपुर सम्म जानुपर्ने अवस्था रहेकोमा गाउँमानै निशुल्क शिविर संचालन हुदा आँखा परिक्षण गर्न सहजता मिलेको स्थानीले बताएकाछन् । शिविर पुस पाँच गते सम्म डेढगाउँमा संचालन हुनेछ । स्थानिय संस्थाको रुपमा कृष्ण गण्डकी बचत तथा ऋण सहकारी संस्थाले शिविरको संयोजन गरेको छ । मोतिया विन्दु शल्यक्रियाको उद्घाटन कार्यक्रम नेपाल नेत्र ज्योति संघ नवलपुर शिविर सञ्चालन उपसमितिका संयोजक बिद्रोही गिरीको अध्यक्षता र बौदीकाली गाउँपालिकाका उपाध्यक्ष मायादेवी श्रेष्ठको प्रमुख आतिथ्यतामा भएको थियो । कार्यक्रममा प्रमुख प्रशासकिय अधिकृती वनोद खनाल, समाजसेवी श्याम श्रेष्ठ , गमबहादुर घर्ती, भरतपुर आखा अस्पतालका कार्यक्रम संयोजक रमेश घिमिरे, लगाएतले बोल्नु भएको थियो ।