हुप्सेकोटमा ७० जना बिद्यार्थीहरुलाई स्वीटर बितरण

चोरमारा । हुप्सेकोट गाउपालीकाका २ बिद्यालयका ७० जना बिद्यार्थीहरुलाई स्वीटर बितरण गरिएको छ । हुप्सेकोटमा रहेका राना परिवारद्धारा बालहित प्रा बि हुप्सेकोट २ चपाहा र सुर्यबिनायक प्राबि हुप्सेकोट ४ रुम्सीका ७० बिद्यार्थीलाई स्वीटर बितरण गरिएको हो । आमा पम्फादेबी रानाको जन्मदिनको अबसरमा छोरा कमल राना र बुहारी तिलकुमारी राना तथा ललीत कुमार राना र पुष्पा रानाको तर्फबाट उक्त स्वीटर बितरण गरिएको न्यानो हुप्सेकोट संयोजक मदन थापाले जनाकारी दिनुभएको छ ।

बालहित प्रा बि मा भएको कार्यक्रममा बिद्यालय व्यबस्थापन समितिका अधयक्ष श्याम कुमार थापाले अध्यक्षता ग्रहण गर्नुभएको थियो भने प्रमुख अतिथीका रुपमा बडा न २ का बडाअध्यक्ष पदम बहादुर पौडेल रहनुभएको थियो र कार्यक्रमको संचालन बिद्यालयका शिक्षक भुबन ठाडाले गर्नुभएको थियो ।

उता सुर्यबिनायक प्राबि हुप्सेकोट ४ रुम्सीमा भएको कार्यक्रममा बिद्यालय व्यबस्थापन समितिका अध्यक्ष खोर बहादुर मस्राङगीको अध्यक्षता तथा बडा न ४ का बडासदस्य रुक्मागत भुर्तेलेको प्रमुख आतिथ्यतामा भएको हो र कार्यक्रमको संचालन बिद्यालयका प्रध्यानाध्यापक हरि पाण्डेले गर्नुभएको न्यानो हुप्सेकोट संयोजक मदन थापाले जानकारी दिनुएको हो ।