चोरमारामा कारले साइकलयात्रीलाई ठक्कर दिदा १ जना घाइते

चोरमारा । पुर्बपश्चिम रार्जमार्ग अन्र्तगत मध्यबिन्दु नगरपालीकामा सवारी दुर्घटना हुदा एक जना घाइते भएका छन् । नगरपालीकाको बडा न ७ चोरमारा बजारमा पुर्बबाट पश्चिमतर्फ जादै गरेको वा १५ च ८१०७ न को कारले साइकलयात्रीलाई ठक्कर दिदा एक जना घाइते भएका हुन् । घाइते हुनेमा मध्यबिन्दु ८ ल्होसेधारा निवासी ५५ बर्षीय सुर्यबाहादुर खड्का रहेको तमसरीया प्रहरी चौकीका प्रहरी नायब निरिक्षक प्रेम बाहादुर बिष्टले जानकारी दिनुभएको हो ।प्रहरी नायब निरिक्षक बिष्टका अनुसार घाइते खड्कालाई उपचारका लागि मध्यबिन्दु जिल्ला अस्पताल पठाइएको छ । कार र कार चालक भने प्रहरीको नियन्त्रणमा रहेको उहाले जानकारी दिनुभएको हो ।