एक रुपैया अभियानबाट छात्रवृत्ती

ज्ञानु पंगेनी

कावासोती । एक रुपैया अभियानबाट संकलन गरिएको सहयोग रकमबाट नवलपरासी पूर्वका १० जना विद्यार्थीलाई छात्रवृत्ती प्रदान गरिएको छ ।

१८ औ“ अन्तराष्ट्रिय आप्रवासन दिवसको अवसर पारेर गत सोमवार कावासोतीमा औपचारिक कार्यक्रमको आयोजना गरि छात्रवृत्ती प्रदान गरिएको हो । आप्रवासन कामदार हकहित संरक्षण मञ्चको आयोजना तथा हिमालयन सामुदायिक विकास मञ्च कावासोतीद्धारा संचालित सुरक्षित आप्रवासन परियोजनाको समन्वयमा भएको कार्यक्रममा नवलपुरका प्रमुख जिल्ला अधिकारी दिपकराज नेपाल , जिल्ला प्रहरी कार्यालय नवलपरासी पूर्वका प्रमुख रमेश थापा , कावासोती नगरपालिका प्रमुख चन्द्रा कुमारी पुन, शिक्षा समन्वय ईकाई नवलपुरका प्रमुख कृष्णचन्द्र पोख्रेल, रिटर्नी माईग्रेड नेपाल गण्डकी प्रदेशका अध्यक्ष नेत्र थनेतले संयुक्त रुपमा छात्रवृत्ती वितरण गरेका थिए ।

आप्रवासन कामदार हकहित संरक्षण मञ्चले गत वर्षबाट ‘एक रुपैया अभियान’ संचालन गरेको हो । उक्त अभियानबाट संकलन भएको रकमबाट गत वर्ष पनि १० जना र अहिले पनि १० जना विद्यार्थीलाई छात्रवृत्ती प्रदान गरिएको मञ्चका उपाध्यक्ष योगलाल तिवारीले बताए । विद्यार्थीहरुलाई कापि, कलम , किताब लगायतका आवश्यक शैक्षिक सामग्री प्रदान गरिएको छ ।

खासगरी वैदेशिक रोजगारीका क्रममा मृत्यु भएका , विभिन्न कारणले नेपाल सरकारबाट पाउनुपर्ने क्षतीपुर्ती रकम नपाएका र विपन्न वर्गका परिवारका बालबालिकालाई लक्षित गरेर मञ्चले छात्रवृत्ती प्रदान गर्दै आएको तिवारीले जानकारी दिए ।

मञ्च आफैले विभिन्न समयमा संचालन गर्ने कार्यक्रम तथा अन्य संघसंस्थाले संचालन गर्ने कार्यक्रममा सहभागि भएका वेला ‘एक रुपैया अभियान’ अन्तरगत रुमाल विछ्याएर रकम सहयोग माग्ने गरेको छ । एक रुपैया देखि माथी पनि आफ्नो क्षमता अनुसार सहयोग गर्न सकिन्छ । यस अभियानबाट मञ्चले गत वर्ष १५ हजार रुपैया संकलन गरेको थियो भने यस वर्ष आठ हजार रुपैया संकलन गरेको तिवारीले बताए ।

यसैबिच १८ औ“ अन्तराष्ट्रिय आप्रवासन दिवसको अवसर पारेर सरोकारवाला तथा उद्यमशील रिटर्नीहरुसंग अन्तकृया समेत गरिएको थियो ।

वैदेशिक रोजागारबाट फर्केर स्वदेशमै केहि गर्न चाहनेहरुका लागि सरकारले उपलब्ध गराउने भनेको सहुलियतपूर्ण कर्जाका बारेमा उक्त कार्यक्रममा जानकारी गराईएको थियो ।

कार्यक्रममा रिटर्नी माईग्रेट नेपाल गण्डकी प्रदेशका अध्यक्ष नेत्र थनेतले सहुलियतपूर्ण कर्जा कसरी पाउन सकिन्छ भन्ने बारेमा जानकारी गराएका थिए । सरकारले उपलब्ध गराउने भनेको सहुलियत कर्जाका बारेमा धेरैले थाहा पाए पनि प्रकृयाका बारेमा अझै पनि राम्ररी बुझ्न नसकेको थनेतले बताए । उनले कर्जा पाउनका लागि यहि पौष मसान्तभित्र आवश्यक कागजातहरु पेश गरेर वैदेशिक रोजगार प्रबद्र्धन बोर्डमा सुचिकृत गरिसक्नुपर्ने जानकारी दिए । विदेबाट फर्केर तीन वर्ष ननाघेका , शिप भएका र उद्यम गर्न चाहनेलाई सरकारले सेवा शूल्क सहित ६। ५ प्रतिशत ब्याजदरमा १० लाख रुपैया उपलब्ध गराउने छ ।

रिटर्नी माईग्रेट नेपाल गण्डकी प्रदेश र नवलपुरले कर्जा उपलब्ध गराउनका लागि समन्वय गरिरहेको समेत थनेतले बताए । कावासोती आठ ईन्द्रचोकमा रहेको संस्थाको कार्यालयमा आवश्यक फर्म भर्न सकिने छ भने नवलपुरबाट संकलन भएको फर्म र कागजातहरु वैदेशिक रोजगार प्रबद्र्धन बोर्ड काठमाण्डौमा सुचिकृत गर्न एक हप्तापछि जाने तयारी गरिएकाले समयमा नै प्रकृया पुरा गर्न समेत उनेले ईच्छुक व्यक्तिहरुलाई आग्रह गरेका छन ।

कार्यक्रममा सहभागि भएका रिटर्नीहरुले सरकारले स्वरोजागार हुनका लागि राम्रो अवसर दिएको भए पनि सहुलिय कर्जा कसरी पाउन सकिन्छ भनेर बुझाउन नसकेको गुनासो गरेका थिए । विकट र ग्रामिण क्षेत्रका युवाहरुले यसका बारेमा अझै पनि थाहा नपाएको उनीहरुको भनाई थियो । कहा , कोबाट कसरी रु प्रकृया पुर्याउने भन्ने अन्यौताका कारण कर्जा पाउन योग्य व्यक्ति नै बञ्चित हुनुपर्ने अवस्था आउने उनीहरुले बताएका थिए ।