नवलपुरको दुम्किबासमा दुर्घटना , एक जनाको मृत्यु /एक जना गम्भिर घाइते

दयाराम आचार्य
नवलपरासी। नवलपरासी पूर्व नवलपुरको विनयी त्रिवेणी गाउँपालिकामा गएराति स्र्कापीयोले मोटरसाईकललाई ठक्कर दिँदा एक जनाको मृत्यु भएको छ । दुर्घटनामा परि एक जना गम्भिर घाइते भएका छन् ।
विनयी त्रिवेणी गाउँपालिका –२, स्थित भित्रि सडकखण्डमा दुम्किबास बाट सुनटाँडी तर्फ जादै गरेको ना ३५ प ३७७३ नम्बरको मोटरसाईकललाई बा १६ च ५०६७ नम्बरको स्र्कापीयो गाडीले ठक्कर दिँदा मोटरसाइकल चालक विनयी त्रिवेणी –४, बस्ने ४८ वर्षीय रेशम गुरुङ्गको मृत्यु भएको हो । दुर्घटनामा परि गम्भिर घाइते भएका गुरुङ्गको उपचारका क्रममा मध्यविन्दु जिल्ला अस्पताल डण्डामा मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक मोहन बहादुर खा“डले बताउनुभयो ।
दुर्घटनामा परि मोटरसाईकलमा सवार विनयी त्रिवेणी –५, बस्ने २२ वर्षीय उर्मीला गाहा गम्भिर घाइते हुनुभएको छ । उहाँको भरतपुरमा उपचार भईरहेको प्रहरी नायव उपरीक्षक खाँडले बताउनुभयो । ठक्कर दिने सवारी र चालक प्रहरी नियन्त्रणमा रहेको उहाँले बताउनुभयो ।