मुख्य मन्त्री गुरुङद्धारा कटान क्षेत्रको अवलोकन : नारायणीको कटान दिर्घकालीन नियन्त्रणका लागि २४ अर्बको मेघा प्रजेक्ट सुरु हुने भनाई

ज्ञानु पंगेनी
कावासाेति । गण्डकी प्रदेशका मुख्य मन्त्री पृथ्वी सुब्बा गुरुङले नवलपुरको नारायणी नदिले कटान गरेको क्षेत्रको अवलोकन गर्नुभएको छ ।
नारायणी नदिको कटानले बढि जोखिममा परेको मध्यविन्दु नगरपालिका ३ को रतनपुर , मध्यविन्दु २ को सेहरी र कावासोती नगरपालिका १७ को अमलटारी क्षेत्रको मुख्य मन्त्री गुरुङले अवलाकन गर्नुभएको हो ।
केहि दिन अघि परेको अविरल वर्षाका कारण नारायणी नदिमा पानिको वहाब बढेपछि कटानका कारण मध्यविन्दु नगरपालिकाका करिब एक दर्जन गाऊँ“ जोखिममा परेका छन् । मध्यविन्दु नगरपालिका –३, रतनपुर क्षेत्रको करिब एक दर्जन गाऊँ“ डुवानको जोखिममा परेको छ ।
मुख्य मन्त्री गुरुङसंग स्थानीयले आफ्ना समस्या राखेका थिए । अझै पनि ठूलो वर्षा भएमा नदिको कटान तिब्र भई गाउ नै नदिसंगै बग्ने जोखिम रहेको भन्दै स्थानिय योगमान चौधरीले नदिलाई तत्काल नियन्त्रण गर्न अझै उचित बजेट बिनियोजन गर्न माग गर्नुभयो ।
नारायणी नदिले रतनपुर , नन्दपुर, सेहरी, सितापुर, भिउरान, तमासपुर , वरुवा, भडारा लगाएतका गाउ“ समेत जोखिममा परेको र यहाँको नम्बरी लालपुर्जा भएकै हजारौँ बिघा खेतियोग्य जमिन बगरमा परिणत भएको चौधरीले गुनासो व्यक्त गर्नुभयो । स्थानीयले आफुहरुले खेति गर्दै आएको हजारौ बिघा जग्गा बगरमा परिणत भए पनि अहिलेसम्म त्यसको कुनै पनि क्षतिपुर्ती नपाएको र आफ्नै जग्गामा पनि हिँउदको समयमा घासपात काट्दा , माछा मार्न जादा निकुञ्ज प्रशासनबाट आएका सुरक्षाकर्मीले समात्ने , ज्यादती गर्ने गरेको भन्दै आक्रोश समेत पोखेका थिए ।
स्थानीयको गुनासो सुनेपछि सम्बोधन गर्दै मुख्य मन्त्री गुरुङले नदिको कटान नियन्त्रणको दिर्घकालीन समाधानका लागि अनुमानित २४ अर्बको मेघा प्रजेक्ट सुरु हुने बताउनुभयो । ‘नारायणी नदिको नियन्त्रण दुईचार करोडले मात्र सम्भव छैन, त्यसैले नारायणी नदिको गैडाकोटदेखि त्रिवेणीसम्म ८२ किलोमिटर क्षेत्रमा नै दिर्घकालीन समाधानका लागि मेघा प्रोजेक्ट सुरु हुन्छ । नदिको धारलाई साबिकै स्थानबाट बग्ने बनाउने काम हुन्छ । करीब २४ अर्ब लाग्ने अनुमान छ । ’ मन्त्री गुरुङले भन्नुभयो । उहाँले तत्काल बस्ति डुबानको जोखिमबाट जोगाउन प्रदेश सरकारबाट आवश्यक बजेट बिनियोजन गर्ने प्रतिबद्धता समेत जनाउनुभयो । नदिको कटानले बस्ति जोखिममा परेको जानकारी आएसंगै संघ , प्रदेश र स्थानीय सरकारले तत्कालै बजेट बिनियोजन गरेर काम सुरु भएको मन्त्री गुरुङले बताउनुभयो । प्रदेश सरकारले २० लाख बिनियोजन गरेको र आवश्यक थप बजेट बिनियोजन गर्न तयार रहेको बताउनुभयो ।
केहि दिन अघि परेको अविरल वर्षाले यस क्षेत्रमा कटान तिव्र पारेपछि संघले ३० लाख , प्रदेशले २० लाख र मध्यविन्दु नगरपालिकाले १५ लाख रुपैँया गरि ६५लाख रुपैँया बिनियोजन गरि ठुला ढु¨ाहरु नदि किनारको कटान क्षेत्रमा थुपारेर कटान रोक्ने पहल गरिएको छ । जाली बनाएर ‘स्पर’हरु बनाउन हाल असम्भव भएकाले ढु¨ाहरु नदि किनारको कटान क्षेत्रमा थुपारेर कटान रोक्ने पहल गरिएको सासंद तिलक महतले बताउनुभयो ।
सासंद तिलक महत , गण्डकी प्रदेश सभा सदस्य रोशन बहादुर गाहा प्रदेशबाट आएका नेकपाका नेता तथा स्थानीय जनप्रतिनिधी लगायतको टोलीले नारायणी नदिले कटान गरेको बिभिन्न स्थानको अवलोकन गरेको हो ।