मध्यविन्दुमा सिचाई नहर निर्माण हुदै

गंगा बिश्वकर्मा,चोरमारा । नवलपरासी पूर्व नवलपुरको मध्यविन्दु नगरपालिका–७ चोरमारामा करिव साढे पाँच करोडको लगानीमा सिचाई बाधा तथा पक्की कुलो निर्माण शुरु भएको छ । मध्यविन्दु नगरपालिकाको बिभिन्न वडामा सिचाईको लागि गिरुवारी खोलामा बाध सहित पक्की नहर निर्माणको काम शुरु भएको हो ।

मध्यविन्दु नगरपालिकाको ५, ६, ७ र ८ नम्बर वडामा सिचाईको लागि गण्डकी प्रदेश सरकारको सहयोगमा बाध तथा कुलो निर्माण भइरहेको जलस्रोत तथा सिचाई विकास डिभिजन कार्यालय नवलपुरका प्राविधिक तोयानाथ आर्चायले बताउनुभयो । ५ करोड ४९ लाख रुपैया लागतमा निर्माण कार्य भइरहेको आयोजना मार्फत बाह्रै महिना करिव तिन सय बिगाह जमिनमा सिचाई पुग्नेछ ।

आयोजना अन्र्तगत अहिले सिचाईको व्यबस्थापनका लागि गिरुवारी खोलामा ६० मिटर लम्वाई र ३५ मिटरको चौडाईको बाध निर्माणको काम भइरहेको छ भने तिन सय ८० मिटर पक्की नहर निर्माणको कार्य जारी छ । तिन सय ८० मिटर पक्की नहर मध्ये अहिले सम्म दुई सय ९० मिटर नहर निर्माण भइसकेको हरियाली कृषक सिचाईका अध्यक्ष जिवलाल भुसालले बताउनुभयो ।

निर्माणधिन बाध तथा नहर आर्थिक बर्ष ०७८÷०७९ मा सम्पन्न हुने प्राविधिक अचार्यले जानकारी दिनुभयो । नहर निर्माण संगै ४ स्थानमा कल्र्भट समेत निर्माण गरिने उहाँले जानकारी दिनुभयो ।

विगत देखि स्थानीयले पराम्परागत रुपमा गिरुवारी खोलाबाट सिचाई गर्दै आएका छन् । आयोजना सम्पन्न भएपछि सो क्षेत्रका स्थानीय कृषकहरुको जमिनमा उर्भर भुमिका लागि सिचाईको व्यबस्थापन हुने अध्यक्ष भुसालले बताउनुभयो । वर्षायामको समयमा बर्षेनि हैरानि खेपेका त्यहाका स्थानियहरु लाई कृषिमा उत्पादन बढाउन र ब्यावसायकि खेतीमा सहज हुने अपेक्षा गरीएको स्थानिय ज्ञान प्रसाद गैह्रेले बताउनुभयो ।