नेपाली कांग्रेस विनयी त्रिवेणी गाउँपालिकाको शभुकामना आदानप्रदान कार्यक्रम सम्पन्न

चोरमारा । नेपाली कांग्रेस विनयी त्रिवेणी गाउँपालिकाले शनिबार शभुकामना आदानप्रदान, पूर्वपदाधिकारी बिदाई तथा चियापान कार्यक्रम गरेको छ । सो अवसरमा नवनिर्वाचित पदाधिकारीलाई प्रमाणपत्र हस्तान्तर सहित विभिन्न पार्टी परित्याग गरि कांग्रेस प्रवेश गर्ने नवप्रवेशीहरुलाई स्वागत गरिएको थियो ।
कार्यक्रममा प्रमुख अतिथि नेपाली कांग्रेस संगठन बिभाग सदस्य एवम् महासमिति सदस्य विष्णुकुमार कार्कीले नेपाली कांग्रेसलाई गरिव र विपन्न परिवारको पार्टी बनाउन आग्रह गर्नुभयो । शनिबार पार्टी प्रवेश गर्नेहरुले कांग्रेस सुखदुखको साथि बन्ने जुन विश्वासको साथ प्रवेश गर्नुभयो त्यसलाई व्यवहारमा उर्तान आग्रह गर्नुभयो । उहाँले केन्द्रमा कम्युनिष्ट पार्टी बीच देखिएको बिभाजनले राष्ट्र बिकासमा ठुलो क्षति पुगेको भन्दै अब कांग्रेसको नेतृत्वमा समृद्धिको यात्रा पुरा हुने बताउनुभयो । त्रिवेणी दुम्कीबास बाटो सञ्चालनको लागि आफ्नो तर्फबाट सक्दो प्रयास गर्ने उहाँले प्रतिबद्धता व्यक्त गर्नुभयो । कार्यक्रममा शुभकामना मन्तव्य दिनुहुदै तरुणदल केन्द्रीय बिभाग सचिव श्याम श्रेष्ठले पाँच वर्ष कांग्रेसले राष्ट्रको नेतृत्व गर्न पाए बिकास के हो भन्ने अनुभुति कांग्रेले गर्नुे बताउनुभयो । उहाँले विपिले परिकल्पना गरेको पार्टी बनाउने दायित्व आम कार्यकर्ताको रहेको बताउनुभयो ।

कार्यक्रममा विनयी त्रिवेणी गाउँपालिका अध्यक्ष डम्बर बहादुर जि.सी.ले समग्र पालिकाको बिकासमा आफु सदैव प्रतिबद्ध रहेको बताउनुभयो । कार्यक्रममा बोल्दै गाउँसभापति अजित कुमार थापाले विनयी त्रिवेणी गाउँपालिकामा पहिलो रहेको कांग्रेसलाई सवै वडामा विजयी बनाउन आफु क्रियाशिल रहेको बताउनुभयो । कांग्रेसलाई अझ सुदृण बनाउन सबै पक्षको सहयोगको आवश्यकता रहेको बताउनुभयो । उहाँले विगतमा भएको चुनावमा देखिएको तिक्तता तोड्न अवाश्यक रहेको बताउनुभयो । उहाँले शनिबार मात्रै गाउँपालिकाको १ र २ न. २ वटा करिव पाँच सय जना कांग्रेसमा प्रवेश गरेको दावी समेत गर्नुभयो । कार्यक्रममा नेपाली कांग्रेसका विभिन्न तहका नेता सहित कार्यकर्ताहरुको सहभागिता रहेको थियो ।