छात्रवृती बापतको रकम दुरुपयोग गरेको भन्दै प्रधानाध्यापकसंग स्पस्टिकरण माग

दयाराम आचार्य
कावासोती,-३ मंसिर

विद्यालयलको रकम दुरुपयोग गर्ने नवलपरासी बुलिङटार गाउपालिका तीन कोटथरमा रहेको बाल बिद्या मन्दिरका प्रधानाध्यापक निरज बस्ताकोटीलाई शिक्ष्ाँ बिकास तथा समन्वय ईकाइ नवलपुरले स्पटीकरण सोधेको छ ।

शिक्षा विकास तथा समन्वय ईकाईका प्रमुख कृष्णचन्द्र पोखे्रलले एक पत्रकाटेर अभिभावकले विद्यालयमा लगाएको ताला ,लगाएत रकम दुरुपयोग,विद्यालयमा नियमित उपस्थित नहुने,मदिरा सेवन गरि विद्यालय आउने विषयमा स्पस्ट जवाफ सहित मंसिर ५ गते कार्यालयमा उपस्थितिका लागि निर्देशन दिनुभएको छ ।

अभिभावकले उठाएका विषयका सन्दर्भमा लिखीत रुपमा जवाफ पेशगर्नै प्रमुख पोखरेलले निर्देशन दिनुभएको छ ।
प्रधानाध्यापकले छात्रवृती र शिक्षकको तलब बापतको रकम दुरुपयोग गरेको भन्दै अभिभावकले आइतबार विद्यालयमा ताला लगाएका थिए ।

अभिभावकले प्रधानाध्यापक निरज बस्ताकोटी नियमित रुपमा विद्यालय नआउने,आए पनि मदिरा सेवन गरि आउने गरेको भन्दै आईतबारबाट विद्यालयमा अनिश्चितकालिन तालाबन्दि गरेका छन् ।