‘चार तारे होस्, या लाल तारे’ बालुवाटार जग्गा प्रकरणमा कसैलाई छुट दिइन्न–प्रवक्ता

काठमाडौं । नेपाल सरकारका प्रवक्ता गोकुल बास्कोटाले बालुवाटार जग्गा प्रकरणमा जो कोही संलग्न भएपनि नछोड्ने बताएका छन् । विहीबार नियमित पत्रकार सम्मेलनमा बास्कोटाले नेकपा महासचिव बिष्णु पौडेल, कांग्रेस सभापति शेरबहादुर देउवा जो संलग्न भएपनि छुट दिन नसक्ने बताए ।

‘चार तारे होस्, या लाल तारे, कसैलाई पनि छुट हुँदैन’ पत्रकार सम्मेलनमा बास्कोटाले भने ‘सरकारले अतिक्रमित जग्गा लिने प्रक्रिया थालिसकेको छ । सवै जग्गा सरकारको पक्षमा आएपछि मात्र सरकारले प्रक्रिया रोक्छ ।’

नेकपा महासचिव पौडेलपछि कांग्रेस सभपाति देउवा पनि बालुवाटार जग्गा अतिक्रमणमा तानिएका थिए । ‘पौडेलपछि देउवा तानिए अब सरकारले के गर्छ ? भन्दै जिज्ञासा राखिएको थियो ।

जवाफमा मन्त्री बास्कोटले प्रश्न पौडेल र देउवाको नभए अतिक्रमित जग्गा सरकारका नाममा ल्याउने प्रक्रिया थालिएको बताए । सरकारले अतिक्रमति जग्गा ल्याउने राम्रो कामको थालनी भएपनि गलत नजिर बनाएर बद्नाम गर्ने काम भएको बताए ।