सिके राउतको पार्टीबाट अञ्जलीदेवीको उम्मेदवारी

काठमाडौं : गाउँपालिका अध्यक्षमा सिके राउतको पार्टीले दियो उम्मेदवारी दिएको छ । महोत्तरीको पिपरा गाउँपालिकाको अध्यक्ष पदका लागि सिके राउत नेतृत्वको जनमत पार्टीले उम्मेदवारी दिएको हो । निर्वाचन अधिकृत कार्यालय पुगेर जनमत पार्टीकी नेतृ अञ्जलीदेवी मण्डलले बुधबार मनोनयन दर्ता गरेकी हुन्। जनमत पार्टीले पहिलोपटक चुनावमा भाग लिन लागेको हो।

संघ र प्रदेशसभा क्षेत्रमा उम्मेदवारी नदिएको जनमत पार्टीले स्थानीय तहको रि’क्त पदमा भने उम्मेदवारी दिने भएको हो । उम्मेदवारी दिने निर्णय केही दिन अघि बसेको केन्द्रीय समिति बैठकबाट पारित भएको थियो।

गत वैशाखमा पिपराका अध्यक्ष विनोदकुमार चौधरीको मृ’त्यु भएपछि रि’क्त पदमा उपनिर्वाचन हुन लागेको हो। राजपाबाट उम्मेदवार बनेका चौधरी २०७४ सालमा भएको स्थानीय तह निर्वाचनमा विजयी भएका थिए।