दीपिका पादुकोण विश्वकै सुन्दर महिला

काठमाडौँ। बलिउड अभिनेत्री दीपिका पादुकोण विश्वकै सुन्दर महिलाको सूचीमा परेकी छिन् । अमेरिकन म्यागेजिन ‘अब्जर्भ डन’को एक रिपोर्टअनुसार दीपिका विश्वकै सुन्दर महिलामा पर्न सफल भएकी हुन्।म्यागेजिनले सुन्दरताको परिभाषा दिँदै लेखेको छ, ‘विश्वका सुन्दर महिलाले आफ्नो काम र गुणका माध्यमबाट एउटा जादुमय इतिहास रचेका छन्। व्यक्तिलाई शारीरिक रूपले भन्दा उसको विचारले सुन्दर बनाउँछ। सुन्दरता भित्री आत्माबाट नै आउने कुरा हो। सुन्दरता व्यक्तित्वमा झल्किन्छ।’म्यागेजिनले दीपिका शारीरिक बनावटले भन्दा पनि काम र विचारले सुन्दर भएको उल्लेख गरेको छ।दीपिकासँगै सुन्दर महिलाको सूचिमा स्कारलेट जोनसन, एन्जेलिना जोली, ब्लेक लाइवली, हेली बेरी, बेयोन्स, एम्मा वाटसन लगायत छन्।हाल फिल्म ‘छपाक’ को सुटिङमा व्यस्त दीपिका लक्ष्मी अग्रवालको भूमिका देखिने छिन्। मेघना गुलजारको निर्देशनमा निमार्ण भइरहेको ‘छपाक’ २०२० जनवरी १० देखि प्रदर्शनमा आउने छ।