पिलो आएका कारण धुर्मुस सुन्तलीको फिल्म नहेरी हलवाट फर्किए

काठमाडौं । हास्य कलाकार तथा निर्देशक दिपकराज गिरीले सीताराम कट्टेल धुर्मुस र कुञ्जना घिमिरे सुन्तलीको चलचित्र ‘सेन्टी भाइरस’ हेर्न नपाउनुको निकै हाँसो लाग्दो कारण दिएका छन् । उनले पि लो आएको कारण उनीहरुको फिल्म हेर्न नपाएको प्रष्टीकरण दिएका छन् । गत आइतबार चलचित्र ‘सेन्टी भाइरस’को बिशेष शो आयोजना गरिएको थियो । विशेष शो मा चलचित्रकर्मी, पत्रकार, समिक्षक लगायत धेरैको उपस्थिति थियो । तर उनी नदेखिएपछि प्रश्न गरिएको हो । सोही बेला सेन्टी भाइरस हेर्न पुगेका दिपकराज गिरी भने नहेरी फर्किएका हुन् ।

उनी फर्किएपछि विभिन्न टिकाटिप्पणी भएपछि दिपकराजले प्रष्टिकरण दिएका छन् । उनले आफू स्वास्थ्यका कारण सेन्टी भाइरस नहेरी फर्कनु परेको बताएका हुन् ।
धुर्मुस सुन्तली र उनको समुहलाई बधाई दिन गएको जानकारी दिँदै उनले पिलो आएकाले बस्न नमिल्ने भएपछि चलचित्र नहेरी धुर्मुस र विल्सन बिक्रम राईलाई जानकारी दिएर फर्किएको बताए । तर उनको यो स्पष्टिकरण धेरैले पत्याएका छैनन् । उनले फिल्म नहेर्नुमा अनेक टिकाटिप्पणी गरिएको छ ।

रवि लामिछानेको ‘द लिडर शो’को पहिलो अडिसन चितवनमा हुने
काठमाडौं । चर्चित टेलिभिजन प्रस्तोता रवि लामिछाने प्रस्तोता रहने रियालिटी शो ‘द लिडर’को पहिलो अडिसन चितवनमा हुने भएको छ । विभिन्न टेलिभिजन च्यानलहरुले पछिल्लो समय रियालिटि शो लाई आफ्नो च्यानलको मुख्य कार्यक्रम बनाएका छन् । दर्शकको मोह रियालिटि शो मा देखिएपछि सबैले त्यसलाई पच्छ्याएको देख्न सकिन्छ । ‘एसआरबीएन’ मिडियाले सञ्चालन गर्ने ‘द लिडर’ को पहिलो अडिसन आउँदो चैत पहिलो साता चितवनको भरतपुर माविमा हुने जानकारी दिएको छ ।

न्यूज २४ टेलिभिजन, रमाइलो टीभी एचडी र गुन्द्रुक एपमा प्रसारण हुने द लिडरको निर्याणक मण्डलमा पूर्वप्रधानमन्त्री डा। बाबुराम भट्टराई, पूर्वप्रधानन्यायाधिश सुशीला कार्की, कांग्रेस नेता प्रदिप गिरी, नेकपाका नेता प्रदिप नेपाल तथा साझा पार्टीका संयोजक रवीन्द्र मिश्र रहने यस अघि नै जानकारी दिइसकेको छ । सातै प्रदेश तथा विदेशका विभिन्न स्थानमा अडिसन गरी १ सय प्रतिस्पर्धीलाई काठमाडौं लागि फाइनलमा प्रवेश गराइने छ । द लिडरको विजेताले अपार्टमेन्ट, गाडी र २० लाख रुपैयाँबाट पुरस्कार प्राप्त गर्नेछन् ।