सत्यनारायण मण्डलद्वारा सभामुख माथि दुव्र्यवहार

नेकपा प्रदेश २ का संसदीय दलका नेता सत्यनारायण मण्डलले प्रदेश नम्बर २ का सभामुख सरोज कुमार यादव माथि दुव्र्यवहार गर्ने प्रयास गरेका छन् । उनलाई सभामुख यादवले मार्शल लगाएर कार्यकक्ष वाहिर निकालेका छन ।

विहिवार प्रदेश २ सरकारद्धारा गठीत समितिको सभापतिका लागि मनोनयन दर्ताको विषयमा लिएर विवाद उत्पन्न भएको थियो । नेकपाका दुइ नेता विच भएको विवादमा नेकपा संसदीय दलका नेता सत्यनारायण मण्डलले सभामुख माथि ठुलो स्वरमा धम्की दिँदै दुव्यर्वहार गर्न प्रयास गरेपछि मण्डललाई मार्शल लगाएर कार्यकक्ष वाहिर निकालेको प्रदेससभा सदस्य परमेश्वर साहले वताए ।

प्राप्त जानकारि अनुसार अर्थ तथा योजना समितिका लागि नेकपाका तर्फबाट भरत साह र शत्रुधन महतो दुवैले मनोनयन दर्ता गराएका थिए तर एउटै पार्टीबाट आफनो प्रतिस्पर्धी वन्न खोजेको भन्दै सांसद भरत साहले शत्रुधन महतोको दर्ता भइसकेको मनोनयन फारम च्यातेका थिए । यता संसदीय दलका नेता मण्डलले शत्रुधन महतोको मनोनयन दर्ता किन गरेको भन्दै सभामुखलाई हप्काएका थिए । तर सभामुखले दर्ता गर्ने नगर्ने कुरा समितिको रहेकोले आफुलाई यस विषयमा कुनै मतलव नरहेको भन्दा मण्डल जंगिएर सभामुख यादवलाई दुव्यवहार गर्न खोजेपछि मार्शल लगाएर सभामुखको कार्यकक्ष वाहिर निकालेको प्रदेशसभासद परमेश्वर साहले वताए ।

यता प्रदेश २ सरकारद्वारा गठित ५ समितिमा अध्यक्ष निर्विरोध भएका छन् ।अर्थ तथा योजना समितिमा मनिष कुमार सुमन र महिला बालबालिका तथा सामाजिक न्याय समितिमा जयनुल राईन अध्यक्ष भएका छन् । अशोक यादव प्रदेश मामिला समितिको अध्यक्ष बनेका छन् । कृषि तथा भूमि व्यवस्थापन समितिमा वीरेन्द्र सिंह र विकास समितिमा शेख अबुल कलाम अध्यक्ष चयन भएका छन् । यो खबर जनतासमाचारबाट साभार गरीएको हो ।