गंगा बिश्वकर्मा
चोरमारा । नबलपुरको मध्यबिन्दु ७ अम्रसामा रहेको बसन्त आर्दश युवा क्लब अम्रसाको आयोजनामा माघ १७ गतेबाट सुरु भएको जिल्ला स्तरिय भलिबल प्रतियोगिताको प्रथम उपाधी नबलपुर टिमले हात पारेको छ । जिल्लाभरका १५ टिमलाई पछि पार्दै नबलपुर टिमले प्रथम भई रु ७५ हजार पुरस्कारको साथमा मेडल र प्रमाणप्रत्र समेत प्राप्त गरेको छ । त्यस्तै प्रतियोगितामा जिएम समाज कावासोति दोस्रो भएको छ । जसले ४० हजारको साथमा मेडल र प्रमाण प्रत्र प्राप्त गरेको छ । तेस्रो स्थान हासिल गरेको स्यांजा टिमले ३० हजार पुरस्कार प्राप्त गरेको छ । प्रतियोगितामा बेष्ट प्लेयर मिलन चन ठकुरी भएका छन् ।
कार्यक्रम मुल आयोजक समितिका संयोजक बिबेक कुमालको अध्यक्षता एबं गण्डकी प्रदेशसभा सदस्य जनकलाल श्रेष्ठको प्रमुख आतिथ्यतामा सम्पन्न भएको हो । सो अबसरमा जिल्ला खेलकुद बिकास समिति नबलपुरका अध्यक्ष बिकास कुमार केसी बिशेष अतिथीका रुपमा रहनुभएको थियो । भने मध्यबिन्दु नगरपालीकाभित्रका बिभिन्न बडाका बडाअध्यक्षहरुको समेत आतिथ्यता रहेको थियो । कार्यक्रमको संचालन खेल संयोजक अमित कुमालले गर्नुभएको मुल आयोजक समिति सदस्य जितेन हिस्कीले जानकारी दिनुभएको हो ।
